naa paata kavitvam - 4

1991

నీలో విశాలత్వం పెరిగే కొద్దీ నీలో తేడాలు నశించు

నీలో ఆలోచనలు పెరిగే కొద్దీ నీలో ఆవేశం నశించు

సంకుచితత్వం కార్య శూరుడి లక్షణం

కార్యశూరుడు అవుతావో కర్మ యోగివవుతావో నీ ఇష్టం

1991

విచిత్ర వలయాకృతుల

విభిన్న సమీకరణాల 

వినూత్న సృష్టి

మిథ్య

1988

చేర పిలిచానే

చేరి వలచానే

వలచి వగచానే

వగచి విసిగానే

విసిగి  వేసారానే నీ వలపు ముంగిట వేచి వేచి

1988

శాస్త్ర జ్ఞ్యాన అంగుళులు మీటే 

హేతువాద విపంచి పాట

భావ లోకపు సరిహద్దులు దాటి 

మిథ్యా మరీచికల సోలుచున్నది

1988

నీ కోసం

నన్ను నేను చంపుకుని

కలిసి విడిపోయే పెదాల 

ఎగసి మెరిసి విరిసే ఆనందం అంచున

వేచి ఉంటాను వస్తావు కదూ