naa paata kavitvam - 27

సాంగ్ - 1

ప||  ఈ చినుకులలో నా మనసే ఈనాడు మురిసే

      వలపులు కురిసేటి వేళ నా గుండెలోనా 

      మేఘాల రాగాలు పలికే

చ||  నా లోన లోలోన అలలాగా కదిలేటి

      కలలాటి నా సఖియ రూపం

      విరిసిన వెన్నెలలో, అలసిన కన్నులకు 

      ఆ రూపే పొగ మంచు ధూపం

చ || చిరునవ్వు సిగపువ్వు ఎడ చొచ్చు రీతిలో 

     విరిసింది నా చెలియ వదనం 

     తెలియని భావనలో రసధుని వాహినిలో

     మునిగే నా భావ ప్రపంచం

సాంగ్ - 2

ప||  దాగేను చందమామ మేఘాల చాటున

     పలికేను ప్రేమ రాగం నా గుండె లోతున 

చ||  కరిగిపోనీ కాలమంతా 

      ఎగసిపడు కెరటం లాగ

      ముదివిడిన హృదయం తో 

చ||  దూరాన, చీకటి ఆకాశాన 

      మిణుకుమను తారల గీతం

      వినిపించే ప్రేమ రాగం

 సాంగ్ - 3

ప||  కలలను  రేగనీకుమా

     నా ప్రియా - - నా ప్రియా

      చితికిన మనసులోన  

చ||  తడిసిన తలపులేవో కలలకు బాసటగా 

      మిగిలిన జీవితాన జ్ఞ్యాపకం ఊపిరిగా 

      నిజం తెలిసీ మూగాపోయినా మమత మదిలోన 

సాంగ్-  4

ప||  ఎలాగని సహించను ఈ వెన్నెల నీడ 

     ఒంటరితనాన జారిన క్షణాల 

     మరపురాని విలాపాల మాటున 

చ||  ఏవో, చూపులేవో జాలిగా నను తాకగానే 

      ఆనందమోక క్షణము ఈ శిలను కరిగించి 

      కన్నీటి వెల్లువాయే

      సోధించి నా మనసు సాధించి శూన్యం 

       మరీచికా చందమాయే 

 సాంగ్ - 5  

ప||  విరజాజి పరిమళాలు విరితేనియ అనుభవాలు

      ఈ వెన్నెల సోయగాలు మనసారగ గ్రోలలేని

      ఒంటరినైనాను ప్రియా

చ||  వేసవి తాపాలలోన

      కురిసిన ఈ విరుల వాన

      రగిలించెను నా తలపే

      నేనోన్టిగా సైపలేక

      నీ చెంతకు రాలేక

      విరహానల జ్వాలలో  . . . . .. .

డైరీలలో కాలిపోయినది  కాలిపోగా , రాంబాబు అటక ఎక్కించినది ఎక్కించగా  నాకు గుర్తున్నంత మటుకు నా పాత కవిత్వం ఇదే  - ఇంకేమైనా మిగిలిపోతే, తరువాత ఎప్పుడైనా కనిపిస్తే  మళ్ళీ మీకు పంపిస్తాను  - నన్ను తిట్టకుండా ఇన్నాళ్ళు నా బాధ భరించినందుకు  - స్నేహితులుగా మీ ఔదార్యం మీరు చూపినందుకు ఇవే నా కృతజ్ఞ్యతలు 

ముసాఫిర్ అఫ్ ఇండియా ఉరఫ్ కార్టూనిస్ట్ కాలేకపోయిన కామేశ్వరరావు (కా కా కా ) ఉరఫ్ కాముడు ఉరఫ్ శ్రీ సత్యసాయి వెంకటరమణ లలితా రమా కామేశ్వరీ రమేష్