naa paata kavitvam - 23

1990

అనుభవాల సారంతో 

తెగ అలసిన నా హృదయపు

నిర్లిప్తపు పొరల కింద 

ఏదో మెదిలింది చటాలున 

ఏదో మెరిసింది

వెతికి వెతికి వెలికి తీసి 

శోధించగ సాధించగ

ఏమీ లేదు పోమ్మందది

మూసి నీవు చూడలేవు

తెరిచి చూస్తె కనపడదది

ఇదే సత్యం

ఇదే నిత్యం

ఇదే జీవన్ముక్తికి సూత్రం

1989

ప్రతి వర్ణం ప్రతి శబ్దం

శబ్దార్ద్రపు వైచిత్ర్యం
వర్ణార్ణవ    వైశిష్ట్యం

ప్రతి కదలిక ప్రతి భావం

భావాంతర రూపాంతర

అంతరాళ గతి మూలం

ప్రతి జీవన గమనంలో

చూపించును ప్రభావం 

1989

చావలేక బ్రతుకుతున్నా  

బ్రతకడానికి 

కారణాలు వెతుకుతున్నా

చచ్చినా ఏమీ లేదని 

బ్రతికినా నే 

ఏమీ జరగదని తెలిసే

బ్రతుకుతున్నా

బ్రతకడానికి సరికొత్త 

కారణాలు వెతుకుతున్నా

ఇప్పటికీ ఆశ్చర్యమే 

సొంత భావాలు లేకుండా

ఏ ఆలోచనలూ లేక

ఎలా పెరిగెను నేనని, అది

ఇప్పటికీ అనుమానమే

ఇప్పుడు మాత్రం ఎందుకు

అని సరి పెట్టుకుని నేను

ఆలోచించకుండానే బ్రతికేస్తా

సమ హయ ప్రచార పూర్ణ రగడ 

రహస్యమది దొరకనిదని

విషాదమా విలాపమా 

కాలపు పరిహాసమా 

లేనిదాని కోసమా

మనుగడ ఇక సాధ్యమా 

గణపద సమద్విరదగతి 

లలితా పద 

యుగళమది 

కందళిత 

జలజమది

చిరునగవు 

చూచి మది 

పులకించే

నెందుకో

తెలిసినది

విఫలమని 

భావుకత 

బతకదని

చేదు విధి 

వాస్తవం 

అసమ ద్విరద గతి 

ఏ రీతి 

ఏ గీతి ఈ వీణ 

పలికించగలవేమో, శోధించు నా మనసు 

అలసినా 

సోలిసినా ఎదురీత 

ఆగదని సాగునని బోధించే నా మనసు 

ఈ సుధా 

పూరమున, సారమే 

లేకున్నా, సారమెందుండునని తలిచేవు

నడికడలి

నిలువీత , అరగజం

మునుచనక అర ఘడియ తీరికని కనలేవు

తీరమే తీరునని పొగిలేవు

1988

(పది రూపాయల కోసం పావుగంట దెబ్బలాడి ఏడ్చి ఒక కవిత మూలిగాను )

నీది అన్నది  లేదు 

నీకున్నది నీడ తప్ప 

దారి అన్నది లేదు 

పోడానికి చావు తప్ప

అహం ఎందుకు కామా 

అవసరం  తీర్చని నాటకం లో 

తల్లీ తండ్రులు పాత్రధారులు

డబ్బు ఒకటే సూత్రధారి

లౌక్యమే గతి ఇహం పరమున

స్వచ్చత కానరాదే జగమున

ఎలా కోపం ఎలా శాంతం

ఎందుకీ శుష్క రసావిష్కరణం