1991
కళ్ళు మూసి కల కంటే
వాస్తవం కనిపించింది
వాస్తవం లో వెతికితే
శాశ్వతత్వం పరిహసించింది
31 .05 .2001
నా కలలు నీ కన్నులలో తారకలై మెరిసి
నీ వలపు నా భావనలో విరిజల్లై కురిసి
సొగసే సిగ్గిల్లె నీ వదనం హరివిల్లై విరిసి
మౌనానికి భాష్యం చెప్పావా ఓ నా ప్రియ సఖీ
2001
ఉపమానం దొరకని ఊహలలో నీ రూపం
సందేహం తీరని దారులలో నా లోకం
1997
కలవని సమాంతర రేఖలని
ఏకాగ్రతతో కలుపుతున్నాను
తెరుచుకోని తలుపుల్ని తెరవను
ఖాళీ లోంచి జారిపోతున్నాను
మెత్తటి సిల్క్ పరదాలలో
సుఖంగా రాసుకుంటూ తోసుకుంటూ
నిరంతరంగా అంతరంగాల
అగాథం లోకి సున్నితంగా
ప్రవహిస్తూ కన్నీటి చుక్కల్లా
నునుపైన పాలరాయి
గుండెమీద పాముకుంటూ
తేలిపోతూ గాలిలో
ఊపిరాడక మునిగిపోతూ
స్పర్శ లేని శూన్యం లో
ఎలాగోలా ఎలాగోలా ఎలాగోలా ఎలా ఎలా ఎలా
No comments:
Post a Comment