naa paata kavitvam - 24

కవితా గోరీ 

ప్రాస కోసం 

భాష ఖూనీ

భావమేంటో క్లియార్ గా లేదు 

అలాగైన

వదలనేను

వదులుతానా చించి పారేస్తా

నేను నేనే 

భాష పాలిట

యముడు నేనే చీల్చి చెండేస్తా  

ఆహా ఆహాహహః 

ఇహి ఇహిహిహి

ఓహో ఒహోహోహో

ఇది ఒక కవితే

ఒప్పుకోరా

డిప్పకాయా

నచ్చలేదా చచ్చిపోతావు

అదీ సంగతి

చదవకింకా

చాలులేబే పెద్ద చదివావు

September 2nd 1993  

అదాటున చిన్న అలజడి రేగితే

కడపట్టిన గుండె సవ్వడిని 

కన్నుల జారే జాలి సెలయేరుని

ఏమార్చాలని ఎంతో ప్రయత్నించా

నిన్ను ప్రేమించలేదు

నిన్ను కామించలేదు

నా కోసం నేను చేసిన

నా అహాన్ని సంతృప్తి పరిచే చర్య

నిన్నెంత బాధించి ఉంటుందో కదా

ఇది కూడా నా ఊహే

ఏదీ కనిపించని నీ గాజు కళ్ళల్లో 

నే వెతికేస్తే ఏం ప్రయోజనం 

నీ భావాన్ని నేనెప్పటికీ 

అర్ధం చేసుకోలేను

నీవు నేను కాలేను 

మరి నా ఆలోచనలని ఎలా చెప్పను

నీవు రావన్న నిజం తెలిసి 

కన్నీరు రెప్ప దాటాక ముందే ఇంకి పోయింది

ఏదైనా ఆశ ఉంటే  కదా 

బాధపడటానికి నేను

ఏదైనా ఓదార్పు ఉంటే కదా 

మనసార ఏడ్వటానికి నాకు 

నా ఆశా/ఊహా బానిసలు చేసే

ఆఖరి తిరుగుబాటును 

కర్కశంగా అణిచేస్తున్నా

కనీసం స్వప్న గానాల్ని కూడా

పాడకుండా

గొంతు నులిమేస్తున్నా 

మరనైపోతున్నా , ఐపోతున్నా  

ఈ చీకటిలో

నాకు నీ నీడైనా చాలు 

కనీసం వెలుగుందన్న

నమ్మకం మిగిలిపోతుంది 

నాకు నువ్వున్నావన్న 

భావననైనా మిగుల్చు 

ఈ గుండెలో 

కోటి నక్షత్రాల కాంతి

ఇమిడి పోతుంది 

1994

తిలక్ అమృతం తాగాడంటే

మరి అది నిజమేనేమో 

ఆకలి తీరిన వాడికి 

అవసరం ఎప్పుడూ 

స్వాతిశయాన్ని చంపనప్పుడు

అన్నీ అందంగా అమరిన వాడికి

ఆలోచించి సుందరమైన

భావ కవిత్వం దాని సొగసులతో 

వ్రాయగలిగినప్పుడు 

మరి అమృతం త్రాగడం

నిజమే కదా

వాస్తవంలో దొరకని దాన్ని

అందంగా చెప్పగలిగినవాడు

అందరి కంటే గొప్పవాడు