naa paata kavitvam - 18

1988

నింగి నుండి జారే వెలుగుల వాన 

కలలు నింపే నేడే కనుపాపలలోన 

సందె మబ్బు పాట సాగనీ ఈ వేళ 

ఆశ రేపనే నా చెలి పెదవుల 

విరి మధువుల ఆ తలపుల జడి 

1989

ఆ చూపు

వెన్నెల కిరణం 

త్రేతాగ్ని కణం 

మలయ మారుతం

హేమంత తుషారం

వాసంత సమీరం

ఝరుల గీతం

అలల  సంగీతం

నిభిడాన్ధకారం

జీవన సారం

1988

రేగే వేదననే పాటగా పాడనా

మాయని కాలపు గాయపు నీడల

ముసిరినా చీకటి తెరలో ........

1988

 అవునూ.....కదా 

ఎప్పుడూ ఇదే కధ

నువ్వు అనగా 

నీతి  ముసుగు వేసిన 

రెండు నర జీవాల 

స్వచ్చంద కృషి ఫలమా 

ఓయీ మత ప్రవక్తా 

ఎప్పుడూ ఇదే కధా ???

విశ్వాసం ప్రకటించడం మానేసి

విశ్వ శాంతి విపాటనకై

సమాధానం లేని సమస్యల 

అడుగులు ఊడపీకుతావా 

వెన్నెల వేళల్లో విశాల సైకత తీరాల 

అలల భాషను ఆత్మ ఘోషను కలిపి

సుందర హసన్మాదురులు చిందించే 

నీ గళాన ఈ అపశృతులా ?

1989

చెమర్చిన చెక్కిళ్ళపై పరావర్తించిన కాంతి 

చిగిర్చిన పొత్తిళ్ళ విడివడని గుప్పిళ్ళ 

స్పృశించి సృజించి స్రవించిన 

ప్రాకృత పురాకృత మానవ గాథలు 

యుగాలకు యుగాలు గతించినా 

ప్రక్రుతి పలుమార్లు ప్రళయాల  హసించినా

మారని మానని జడ జీవన వ్యుత్పత్తి

ఆకృతి మారిన చషకంలో

స్ఖలించే పురాతన రసాయనం ...........