Friends and Friends Association - 2

f&f వారి ఆఖరి హంగామా


Dec 31st in townhall


మొదటిగా రాంబాబు గాడి మేడ మీద ఇచ్చిన ప్రదర్శనతో ఉత్సాహం చెంది రెండో సంవత్సరానికి తెర తీసాము. రాంబాబుకి వాడెక్కడ చూస్తాడో తెలియదు కానీ presentation విషయంలో ఒక funda ఉంది. తాటాకుల మీద invitation card అని మొదలెట్టాడు. వాడి fancy range చెప్పడానికి తాటాకుల కంటే ముందు జరిగిన సంఘటన. నా చేత రాత్రి పూట నా రక్తం తో love  letter వ్రాయించాడు. దానికి నెమలి పించం ఒకటి sharp చేశాడు వ్రాయడానికి. blade sterilize చేశాడు నా చెయ్యి నేను కోసుకోడానికి.రాత్రి ముహూర్తం. అయితే ఆ పించం తో వ్రాయడం అవ్వకపోతే దానితో ఒక love symbol వేసి ఊరుకున్నాము. మిగతాది మామూలుగానే వ్రాసాము. అయితే అప్పటి నా ఫ్రెండ్ "నీకిదేమి పిచ్చి" అని అడిగింది. నాకు వెర్రెక్కి అ letter కాలవలో పడేసి, వీడి collar పట్టుకుని లేపి ఒక గట్టు మీద పడేసాను. తరువాత వీడు నాకు మోచేతి వరకు పెద్ద bandage వేయించాడు. అది వేరే విషయం. ఈ ఆవేశంలో కిశోరన్న వాడి special friend కోసం  వేరే letter ఒకటి రాసి వాడి రక్తం తోనే - last లో సంతకానికి ముందు వాడికి doubt వచ్చింది. balance రక్తం ఏమి చెయ్యాలి అని. డేవిడ్ గాడు, రాంబాబు కూడా ఉన్నాడు అనుకుంటా, కిశోరన్నకి సలహా ఇచ్చారు. "ఇది నా రక్తం" అని వ్రాయమని. అది వ్రాసినా ఇంకా రక్తం మిగిలిపోతే మళ్ళీ అన్నగారికి doubt ఇదేమి చెయ్యాలి అని. అప్పుడు వీళ్ళ సలహా తాగేమని ఒకడు, అది ఆ letter లో జల్లీ మని ఇంకొకడు. అన్నగారి రక్తం ఆ తరువాత ఏమైందో నాకు గుర్తు లేదు. అంతకు ముందు ఏమైనా సినిమాల్లో ఈ రక్త పిపాస love letters ఉన్నాయేమో తెలియదు, కానీ తరువాత చాలా సినిమాల్లో ఈ రక్త పిపాస love letters ని వెటకారం చేస్తూ చాలా scenes ఉన్నాయి. రాంబాబు గాడి fancy thoughts చెప్దామని ఇంకేదో చెబుతున్నాను. ఇదనే కాదు వాడికి ఇలాటివే ఎన్నో ఆలోచనలు. ఎప్పుడూ ఏదైనా ఏదో variety చేద్దామనే వాడి తాపత్రయం. వాటి గురించి వాడి blog లో వాడే రాస్తాడు.
ఈ వెరైటీ లోంచి పుట్టుకొచ్చిందే ఈ తాటాకు మీద ప్రింట్. దీనికి డేవిడ్ గాడు  ఏరాడలో తాటాకులు నరికి తెస్తే వాటిని ఎండబెట్టి "ప్రకాష్  బుక్  స్టోర్స్" లో printing అనుకుంటా. మళ్ళీ వీటికి ముఖమల్ cover వాటికి మెరుపుల తాళ్ళు, పూసలు. కార్డు వరకు ఆదరగోట్టాము. ఇంకెవరో నాకు తెలిసిన "నాట్యమయూరి" group వాళ్ల చేత భరతనాట్య ప్రదర్శన. వాళ్లకి memento లు ఇచ్చాము. ఏవో ఒకటి రెండు డ్రామాలు వేసాము. అవి కూడా బాగానే నడిచాయి.
 ఆ తరువాత orchestra . ఇక్కడ farce మొదలైంది. ఈ orchestra కి prologue . నేను అప్పట్లో రెండు నెలలు ఏదో guitar నేర్చుకున్నాను. పూర్తిగా రాదు. ఏదో వానాకాలం చదువు లాటి guitar . మాకు lead singer అప్పలరాజు అని ఇంకో friend. voice బాగానే ఉండేది,  చిన్న ఉచ్చారణ దోషం. ప్రతి line వెనకాల "అం" అని మింగేవాడు. female voice కోసం మా ఇంటి పక్కనే ఉండే అమ్మాయి ప్రవీణ అని మాకేక్కడో దూరపు చుట్టాలు, ఆ అమ్మాయికి చిన్న నత్తి - "ప్రేమ పావురాలు"  సినిమాలో ఒక పాట లో" న్యా మనసేమో, న్యా మాటే వినదంటా" అని పాడేది.ఆ అమ్మాయిని పట్టుకున్నాము. ఇంకో female singer సునీత ( నవనీతం - ఆ అమ్మాయికి  nick name ) అని మా friend ఓ మోస్తరుగా బాగానే పాడేది.ఈ అమ్మాయి కిశోరన్న లిస్టు లోనే. కానీ డేవిడ్ గాడికి  special friend. తబలా వాయించడానికి పైడిరాజు అని అప్పల రాజు friend . వీళ్ళతో లింక్ లేని  బాబీ అని నాకు flute ఫ్రెండ్ ఒకడు ఉండేవాడు. వాడి tuition సెంటర్ లో నేను classes కూడా చెప్పేవాడిని. వాడి ఫ్రెండ్ జోసెఫ్ అని violin వాయించే వాడొకడుమధ్యలో. వాడు ఏమైనా అంటే నేను jumping run వాయిస్తాను అనేవాడు. ఈ f & f  వారి orcheshtra  మినీ కనకమహాలక్ష్మి రికార్డింగ్ ట్రూప్, రాజమండ్రి లాటిది.
నాకూ ఏమి చెయ్యాలో తెలియదు. ఎవడికి తెలియదు. మా ఇల్లు "లక్ష్మి విలాస్- రాతి మేడ " లో  orchestra rehearsals . ఈ మధ్యలో ఇంకెవరో reference లో ఒకతను casio వాయిస్తాను అని వచ్చాడు. ఆయనకి  తెలిసిన అమ్మాయిలు, వాళ్ల చేత కూడా పాడిద్దామని అతని ప్రయత్నం. వాళ్ళు గీతాంజలి సినిమాలో "ఓ పాప లాలీ" పాటలో chorus ఉంటుంది. ఓ పాప లాలీ అనగానే     " హా" అని - వాళ్ళు అది అంటారు అన్నాడు. మేము సరే అన్నాము. practice ఏమి చేసామో గుర్తు లేదు. లక్ష్మి విలాస్ ఆంతా సందడి. కలగా పులగం. Dec25th christmas రోజున మా పెద్ద మామ్మగారు చనిపోయారు. ఈ rehearsals మధ్యలో. ఆవిడ చనిపోయే ముందు మా singer అప్పలరాజు తో "పయనించే ఓ చిలుక " అనే పాట పాడించుకుని విన్నారు. చచ్చే ముందు ఆవిడ మనశాంతి పాడు చేసానేమోనని  నాకు ఎప్పుడూ ఒక guilty feeling . దాని నించి rehearsals కి break పడింది .
సరే అలాగే stage ఎక్కేసాము. ఇక్కడ సుబ్బడి గురించి కొంత చెప్పాలి. వాడు almost opposition leader నించి ruling party  leader అయిపోయాడు . నేను, కిషోర్, రాము ఒక పార్టీ అని, మిగిలిన మా ఫ్రెండ్స్ అందరూ ఒక పార్టీ అని తేల్చారు. అందుకనే వాడి participation ఈ ఫంక్షన్ కి ఏమి పెద్దగా లేదు. ఏదో last moment లో వచ్చి వాడి range హంగామా వాడు చేశాడు. సుబ్బడి emotions కానీ, వాడి ఆవేశం కానీ extremes లో ఉండేవి. మా friends కి almost అందరికీ వాడి style నచ్చేది. ఇప్పుడు వాడిని చూసిన వాళ్ళు ఎవరైనా ఆశ్చర్యపోయే అంతలా. ఆ projection ఎలా వచ్చింది అంటే కిషోర్ గాడి opponent సుబోద్ అనేలా. డేవిడ్ గాడు కూడా loyalties change చేశాడు. అలాగని కిశోరన్న ని బాధ పెట్టలేదు. అలాగ చిన్న split . కానీ ఎవడిని ఎవడూ వదలలేదు. ఎన్ని తన్నుకున్నా కలిపే తన్నుకున్నాం. 
ఇంకో పిట్ట కథ ఉంది. రాంబాబు గాడు dec31st కి అందరి దగ్గిరా collections అని మొదలెట్టాడు. ఎవడు డబ్బులిస్తే వాడికే కార్డు, పాస్. అందరూ collections చేశాము. చాలా మంది friends మేమేమి చేస్తామో చూద్దామని, డబ్బులు కట్టేరు. ఈ లోపల vizagapatnam క్లబ్ వాళ్ళు, మందు party with heavy music బయట పెట్టారు. ఆ sound భరించలేక మేము తలుపులు మూసేసాము. సరే జనాలు orchestra ఎలా ఉంటుందా అని కూర్చున్నారు. మొదటి దెబ్బ, mikes పని చెయ్యడం మానేశాయి. ఎవడైనా కెలికాడో కావాలని, లేదా అవే చచ్చాయో తెలియదు. అవి సెట్ చేసేసరికి screen లేవ లేదు. secretary రాంబాబు screen లాగ డానికి try చెయ్యడం. ఆ తతంగం అయ్యింది. మళ్ళీ   mikes పని చెయ్యలేదు. ఈ లోపుల మా orchestra ట్రూప్ ఏమి చెయ్యాలో తెలియక ఒకళ్ళ మొహాలు ఒకళ్ళు చూసుకోవడం మొదలెట్టారు. మిగతా friends , families తో వచ్చిన వాళ్ళు గోల. తలుపులు మూసేసి ఈ తతంగం ఏమిట్రా అని. నేను బాధ భరించలేక బయటకి వెళ్లి కూర్చుని ఏడవడం మొదలెట్టాను. నేను అంత ఏడుపుగొట్టుగాడినని  నాకే తెలిసిన క్షణం అది. అప్పుడు నా friends అందరూ నన్ను ఓదార్చడానికి బయటకి వచ్చారు. hall లో ఎవడు చచ్చాడో , ఎలా చచ్చాడో తెలియదు.
ఈ సందట్లో నా సిగేరేట్ ప్యాకెట్ కొట్టేసిన వాడొకడు. ఆఖరికి ఆ casio వాయిద్దామని వచ్చిన అయన ఏవో రెండు పాటలు పాడి జనాలకి అయ్యింది అనిపించాడు . ఆ తరువాత సమోసాలు దొరకలేదని ఒకడు, గులాబ్ జామూన్ దొరకలేదని ఒకడు. డబ్బులు కట్టాం మాకేవీ అని ఒకడు. అదో రసాభాస. మొదటి సంవత్సరం function కి ఎంత సంతోషించానో ఈ రెండో సంవత్సరం అంత బాధ పడ్డాను. 
నాకు గుర్తున్నంత మటుకు ఆ function details అవి. మిగిలిన నా friends ఎవడి view point వాడికి ఉంటుంది. వాళ్ళు ఇంకో రకంగా వాళ్ళ అనుభవం ఆ రోజుది ఉండొచ్చు. ఇంకేమైనా విశేషాలు ఉంటే మళ్ళీ తరువాత గుర్తుకు వస్తే రాస్తాను.


సశేషం