New poetry -13

బరువైన తేలిక కవిత 

మనసుదేముంది మాస్టారూ 

ఎలాగైనా మడిచేయచ్చు

మాట వినకపోతేనే వస్తుంది తంటా అంతా

అవసరానిదేముంది అబ్బాయీ

ఏదో ఒకటి చేసేయచ్చు

నిర్వచనం మారిస్తేనే అయోమయం అంతా 

బ్రతుకుదేముంది బాబ్జి 

ఎలాగైనా బ్రతికేయచ్చు 

ఇలా ఉండాలి అంటేనే కష్టం అంతా 

కవిత్వానికేముంది కాముడూ

ఏదో ఒకటి వ్రాసేయచ్చు 

చదివేవాడి ఆంతర్యం మీదే అర్ధం అంతా 

ఇది వ్రాసిన తరువాత నాకు జంధ్యాల సినిమాలో జోక్ గుర్తుకు వచ్చింది

అదేంటంటే 

" నేను కవిని కానన్నవాడిని కత్తితో పొడుస్తా
నేను రచయితని కానన్నవాడిని రాయెత్తి కొడతా"